هم ينزاح
إلى سكنك هم الزواج ،اسمع لي وتفضل.
لا تبقى فرادي تسيح ،وتبقى بهلالا !
شرع الله واسع نقي، ما كاين بحالو.
كن اسبع وسط اللبوؤات ،زيد اعدل.
تعداد الزيجات حل, فكلام مولانا.
وأحسن بين الحُرّات ,واحذر تسْوالو!
جاور أهل الصواب ,,تسْلك ما تحصل.
توكل على ربنا ,اللي فيه ارجانا.
ذات الدين عندها السر ,واشمايلو .
كن زاعم اللي فالنصل ,يفصل لبصل.
سبق لسوق لخيار, لا تفطر بجرانا.
فز لا تكون مجماج, بزرعك وكبالو.
احباب الله فمغربنا ,ماخطاهم فضل.
لا تيق لاتبرر بجديد احروف “المروانة”
كلام غريب محرف نبشرك بزوالو
ارضى بوحدة تهنا فزمانا وهذا الحل
ليك وليها راحة البال ،واحذر لمغانا!
عرس على قدك تربح ، كلها واحوالو،
والا بغيتي الأصل ،نوصيك شد الرحل.
دشورا ومدون فبلاد الله، بخيرو غطانا.
رجال ونسا شيب واشباب ،نرجاو انوالو.
سنة الحبيب خاتم لرسال، بالحق افصل.
آمر الحق نصليو عليه ،شفاعتو تلقانا.
يوم المحشر و الصحب معاه، كذا ءالو.
عبد ربه راجي عفوه ورضاه
الحبيب المغاري الادريسي