للدولة حساباتها وللشارع حساباته كذالك…فكيف جمعت فاطم الزهراء المنصوري بين عمودية ومركزية هذه الطموحات بمتطلبات سريعة أصبحت تسابق الزمن ؟؟؟
داك النهار سيدنا غضب على والي سابق بمراكش بسبب
سوء تصريف لجنة الاستثناءات لي دووزات عقارات حاضرة مراكش المتجددة لفائدة مونعشين عقاريين
هاد الحاضرة فيها مشاريع مهيكلة منها ليجابتها جهات عليا ؤمنها المهيكلة ديالت ال_PJD و هي لي كاتدخل ففلسفة الأقطاب الحضرية المنذمجة .. ولي أكيد أن القصر الملكي عندو ملاحظات وخلاصات تركيبية وتقارير حول تنزيل مشاريع هاد الفلسفة سواء فمراكش أو غيرها من الحواضر لي تم اختيارها ..
ماتنساوش بلي القضاء المالي بمراكش حتى هو عندو خلاصات وقناعات و منطوق احكام حول مالية الجماعة كيف ماكان الأثر الرجعي للسلطات المالية المتعاقبة على هاد المدينة …# بعبارة اخرى يعني السيبة والتسيب في صرف وبرمحة اعتمادات الميزانية.
الدولة كذالك كانت مجبرة على تقديم اجوبة حول أسئلة كورونا مراكش…خصوصا أنها أحادية النشاط الاقتصادي ولي هي السياحة فقط .. الاستثمار بمراكش ناعس ؤ فاقد الوعي لدرجة مدير المركز الجهوي للاستثمار تم إعفاءه شي يوماين هادي يعني الناس mgripya.
المنعش العقاري عيات الدولة ماتنفخ فيه ؤماقدرش يحل ليها ازمة السكن…خصوصا برنامج 200 ألف سكن و برنامج مدن بدون صفيح زيد عليها # قانون التعمير ولي صبح عندنا بحالو بحال وثائق روما القديمة ولى مخطوطات حمو رابي كيفاش كايفهمو الوالي ماشي بحال كيفاش كاتفهمو الوكالة الحضرية ماشي كيفاش كايفهمو رئيس المقاطعة ولى النائب الجماعي ماشي كيفاش كايفهمو المستثمر ولى مول جريدة آشداني ليك تيڤي ولى رئيس جمعية مبلي بالتراب ديال التعويض.. ولى…ولى…ولى….
ماتنساوش بللي اكبر خطر لي عطل التنمية هو غياب تصاميم التهيئة بعدد كبير ديال الجماعات الترابية.
كيفاش مواطن كايعطي الضريبة ؤ كايجي رئيس جابو الصندوق ؤ كايبرمج ميزانية بالملايير على مجال ماعندو حتى وثيقة تعميرية صحيحة hahaha .. ؤ هنا كاتولي العشوائية وكايتزاد الفقر والهشاشة والخصائص .
# اتحدى شيواحد يقوليك راه كايدير معارضة المساندة النقدية 🤣😂 لسبب بسيط هو أنه ماغايفهمش هادشي لي كتبت ؤ ماغايفهمش بأن # الدولة تجيب الدولة بمراكش من خلال المترشحة فاطم الزهراءالمنصوري ….لكن السؤال المطروح اليوم هو :
# واش هاد الصطاف لي عما العمدة واش واعي حتى هو بنوعية الجواب لي كاتنتاظرو الدولة والشارع من فاطم
الزهراء المنصوري…. ولى لا ….
هاد الجواب غانتطررق ليه ف panorama أخرى