يا با
من بعدك الغربة كبرت ألف غربة يا با
والدار صارت صورة معلّقة عالعتبة يا با
أنا مش بعيد عنك مسافة مطار
أنا بعيد وجعي عن حضنك يا با
يا با
كنت الوطن لما البلاد تخون يا با
وكنت الضهر لما الزمان يلين ويهون يا با
علّمتني أمشي وما أبيع الخطا
وأكسر عصا الخوف وأرجع إنسان يا با
يا با
هالليل أطول من حكاياتك علينا يا با
والصوت غايب بس وصاياك فينا يا با
كنت تقول: “الحق لو وحده ما يضيع”
واليوم الحق واقف يبكيك يا با
يا با
أنا بالغربة صرت أعدّ العمر غياب يا با
وأكتب اسمك عالهوى وعلى التراب يا با
لو بمدّ إيدي عالسما ما بطول
غير الدعاء يمشي لطريقك يا با
يا با
سامح غريبك لو تأخر سلامه يا با
الدرب كان قاسي وسرق منّي أيامه يا با
بس والله ما خان القلب وصيتك
ولا نسي إنك الأصل والخيمة يا با
يا با
إن متّ، انت حيّ بكل خطوة مشيتها يا با
وبكل مرة قلت “لا” ووقفت فيها يا با
وإن ضاقت الدنيا وسكّرت باب
اسمك مفتاحي وبيتي يا با
الشاعر : نصرالدين خيامي بلمهدي
غزة 2024 / 5