في قفز غير مقصود على الزجل مع اعتذاري لكل الزجالين
لا أتزجل لكني أتجمل
ما بقات خاوا
الشوفة حمرية منقوصة
غير لكلاب تتهاوة
من نطيح نطيح
تصدك جبهة لحوالة
ضربة تلوحك لضربة
و التيه فسوق الجناوة
والنية معبورة متمورة
حارة صحبة من والا
لله يا زمان
شحال قدي ما نتداوي
والبرد ساكن ضلوعي
لا دفة الدفيني
ولا حجاب يحمي النوالا
من هم لهم نقاسي
ونقول الايام جوالة
وعسل النحلة
ما بقات فيه حلاوىة
لله يا زمان
ضاق بيا المكان
وضركات لميمة
اللي كانت حنينة
اللي كانت عليا عوالة
ضاق بيا لمكان
وعيطات ساعة ارحيل
و تمحا كلام لوالة
قطران بلادي قالوا
ولا عسل من والا
لا تحكر راسك
و خلي روحك جوالة
قريب توصل وتتباها
ياك شفتي غلالة
واخا صغيرة محكورة
لابد توصل لنوالة
مراكش 18 / 12/ 2020