يا كرة.. دوي وخبري الناس
وحكمي بحكام المعقول
ݣولي لمخبي لي ما يتݣال
أنت أقرب للحقيقة على ما كان
نطقي بالحق أنت العارفة
وبيني على الغش المستور
شحال من فرقة غشها حكم
والحكم الصالح ترك لمكان
ولاد بلادي لعبو مزيان
يستاهلو المقابلة كانت يا سلام
الغش ما ترك بلاصة
حتى الكرة وصلاتها وحرݣاتها النار
علاش الغش ساري
هادي غير رياضة شريفة
نافس عليها واترك الغش يا فلان
ما يبقى حال فيكم..وفينا!
يا منتخبنا الرزين راكم شرفتونا
تحية مني ليكم مجموعين..
وللناخب الوطني العبقري والرزين.
هكذا نعرف ولاد بلادي!
ديما هازين الراس يترجاو العالي.
-بقلم: محمد دومو
-مراكش/ المغرب