آش هاد الشتا يا لالة نزلات
ما سالاتش، غير هجّات
الواد خرج من حدّو
وقال: اليوم الحساب فات
الواد دخل للصالون
لقى الغدا فوق المايدة
قال: أنا ضيف ثقيل
جبت معايا الحقيقة الزايدة
الزنقة عامرة بالطين
والدار ولات مركب
الناس يعومو فالحيرة
بلا ربان وبلا سبب
الطفل هاز شكاتو
والخوف عامر فيها
والأم تجمع فدعوات
وقلبها غير الله ليها
فين السدّ؟ فين الأمان؟
الشتا عرّات الحال
لكن حنا ولاد الطين
نوقفو ولو طال
البلاد ما كتغرقش
غير كتتوضّى بالوجع
ومن الما تولد نار
تشعل فصدر الأيام
الشاعر المغربي
نصرالدين خيامي بلمهدي
غزة 2026