كالوا ليها آنوضي زغرتي يالهبيلة لبسي حايك حزانك وكحلي بالنيلة صوابك ميزانك عرسك ليلتو ليلة جاح العار الدوار كيتو مصيبة ثقيلة الدم الدم فوار سيرتو عندكلعيلة والهم الهم دوار حكموه ناس لفضيلة هذي قبيلة وذيك قبيلة شكون قرس القرس وشعل لفتيلة دوات لوروارة خيانة ف عكوب الليل خرجات النسا حفيانة دموعها تسيل سمعوها لعمامرة ركبوا الخيل تكلمت لعمارة والحركة جاية تميل ركبات* لمحاين من ذاك لعريش ضعيف الحالة محال يعيش غير البارود زمزار يطيش والرامي مايزكل* النيش سمعوا لكرنيطة تفرقات لقبايل حاشوا خيرهم طيحوا النوايل *1 شدوا الواد طلعوا النعايل على كرون لجبال دبحوا لحلايل عوك الذيب يخيب عينيه حمرة غرنك لغراب حالو ساب زندت الجمرة طفات قنادل الستر ضوات الكمرة والشعاب تسيل بدم الغدرة طل القحط ورد ايرني جفات عروق السدرة والخير مشى صدا غبا خيابت ف لعيون النظرة واش هذ الحالة ملالة غاب الطير وكح لغدير ماتت ليلالة ريح العل ف لعيون دار جلالة نشفت لكلوب *2 صمتت لغلالة رواح خياتي ياسداتي ولات معروضة كرويط يشالي موكة تلالي راحت الزغودة والغادي غادي عمرت مطامر الروضة العرف والكرن* والكطاية لكدام* مشكوكة *3 لقياد ف لعزيب هنايا والطعام مرصع الطبوكة*4 لسواق فقدت لمذاق ولغلا مكن الربوكة *5 طريق الخير عواق ولشواك ف القلب مدكوكة *6 من تعدا لقوال ساكوه لعباد سوكة ه التوفيس هاز قوس رماحو قوية والجذام عدام اماليه ف لخلا مرمية والبون هون ع لكتاف زمانو مخلية والكل مغبون والحال شتاف نيرانو مكدية لبلا عم لمكان ياربي واش هذ الشية واليوم لجحاد ركبها لعناد قالت دارت مزية والخير وجاد ولهنا جاد خياتي ملهية هذا حالنا وحال امالينا .. زجل : عبد الرشيد عمهم
** من 1إلى 6 الكاف في النطق العامي قاف مشددة على لهجة عرب المغرب والجنوب