مسافر على بحر النيل
ولي في مصر الحسين
ماشي بشوق ماله آخر
وقلبي سابقني بسنين
***
كل موجة تقول : يا الله
وكل نسمة ذكر حنين
والروح سايبة حمل الدنيا
ومتوكلة على الأمين
ماشي وخطوتي دعوة
في حضرة أهل اليقين
لا طالب زينة الدنيا
ولا كنز من الذهب الثمين
أشرب المحبة من عيونهم
وأرجع بنورٍ في الجبين
وأقول : يا رب ارزق قلبي
صدق المحبة واليقين
لو ضاقت الدنيا عليا
ألقى الكرم فاتح بابين
باب التوبة… باب الرحمة
والفضل لله في كل حين
***
يا مصر يا حضن المحبة
يا نيل جاري من سنين
فيكي الدعوة ليها هيبة
وفيكي يرتاح القلب الحزين
يا سيدي يا آل البيت
يا نور هادي السالكين
خذ بإيدي لطريق الحق
واكتبني من الذاكرين
وأزور مقام الصالحين
وأفيض دمع المشتاقين
وأرجع بقلب كله نور
من نفحة رب العالمين
***
مسافر على بحر النيل
وشوقي أكبر من كلام
يا رب بلّغني السلامة
واختم حياتي بالسلام
الشاعر نصرالدين خيامي
غزة 2026