أعيد نشرها مرة ثانية في زمن التردي…!؟
التَّفَاهة طَلاَّت وْكالت:
أنا بِيكم ما اسخِيت!؟
اعرَفتُونِي بَالرَّكْزَة لَعجِيبَة!
رَدِّتُوني هَمَّة وْشَان؛
وَلِّيت فالدِّعاية اعزيزة واحبِيبَة.
أنا امعاكُم عايْشة فكُلْ بِيت؛
شاطناكُم اعلى الحاضَر وَلِّي فات.
نَشطَح شَطحَة زِّيط رِّيط…
والفن أنا افْقَسْتُو حتى مَات.
أنا التَّفاهة مَنْ وَالُو جِيت…
لَكِن.. اقوِية وْاصعِيبة.
دعمُوني هُومَا بَالحِمَاية وَلْمال وْلَمَان…
وَلِّيت احسَن مَن بن رشد وْ مَن اصحَابو فَلْهِيبَة !
وَلِّيت احسَن مَن لَكْتَاب وْلُوستاذ…وحتى مَن اطبِيبَة!؟
أنا التَّفاهَة..!؟
بقلم: لحجاب أبو جمال.