( ص ) :
باب تاغزوت يا باب الفرح والمحبة
يا سرّ مكتوب ف حجر المدينة
فيك الزمان وقف سوّى الميزان
وسجّل حكمه ف لوح العيّانة زينة
( ع ) :
دخلتك طفل والريح دوزاتني
وكنت حضن صامت كيحميني
خرجتني رجل والصبر ربّاني
ومن وجع لوجع فحجرك تضمّيني
( ق ) :
باب تاغزوت يا باب تاغزوت
ساكنة ف القلب سكون الموت
( ص ) :
فيك النهار يضحك بلا سبّورة
والضحكة تطفي خوف الصغار
والليل يهبط بأحلام مستورة
يحسب خطاه مع نجوم الدار
( ع ) :
غنا الدراري يطلع نية
كيجرح القلب ويطيب لجرح
ريحة قهوة مع صوت المؤذن
تخلّي الدمع واقف بلا فضح
( ق ) :
باب تاغزوت يا باب تاغزوت
ساكنة ف القلب سكون الموت
( ص ) :
يا باب اللي فاتوك السلاطين
ودازوك المساكين ف صمت
كل واحد خلّى فيك أثر
دايم ف القلب وثابت ثبوت
( ع ) :
لا انتي كبّرتي مع المتكبّر
ولا ضحكتي مع لسان الشماتة
بقيتي بحال أم صابرة
تسمع وتخبي وتشدّ العاتة
( ق ) :
باب تاغزوت يا باب تاغزوت
ساكنة ف القلب سكون الموت
( ص ) :
واليوم نغنّي ونسدّ القصد
وصوتي راجع لطفل فات
باب تاغزوت ف دمي نقش
بحال اسم الأم ف الذكريات
( ع ) :
إلى طاح العمر ولا خانتني
خطواتي ولا صابني الفوت
نرجع لبابك نلقى اسمي
مكتوب بالصبر وبالصوت
( ص ) :
واليوم نغنّي ونشد القصد
ونرمي السلام مع الدعوة
باب تاغزوت ف دمي نقش
ما تحيدو لا ريح لا قسوة
( ع ) :
بقيتي واقفة بحالك بحال
شي حكيم ما باع لوقار
يعطي الدرس بلا كلام
ويسمع الشكوى بلا إنكار
( ص ) :
يا حجر ناطق بالوقت
والقمر شاهد بلا سؤال
كيف موال طالع من شرفة
كيقول: “الصبر راس المال”
( ع ) :
فيك الدراري كبروا صغار
وفيك الشيب سبق الأخبار
وفيك الغنا طالع من القلب
ما محتاج مايك ولا أوتار
( ق) :
باب تاغزوت يا باب تاغزوت
ساكنة ف القلب سكون الموت
الشاعر ابوالغضب
نصرالدين خيامي بلمهدي
غزة 2024 / 1