أحا يا وطن
أحا …
يا وطن
بقولها … واعترض
أحا …
عالمسؤول اللي باع
ضميره بالتقسيط
عامل فيها سيّد
وهو عبد الكرسي العبيط
أحا …
عالوشوش المستعارة
والكلام اللي فيه إثارة
صوت عالي … جوه فاضي
والمعنى تايه في الحارة
أحا …
عاللي اسمه قانون
عالورق شعر وفنون
والواقع سكينة سايبة
بتشرح فينا من غير عيون
أحا …
عالمسارح المفتوحة
كل واحد لابس دور
سيادة على ورق بس
وفي الحقيقة مكسور
أحا …
قولها لو كنت فاضي
عالعوالم عاملين هوانم
لابسين دور السيادة
وهما في الأصل خدامين
أحا …
عليك يا وطن
متر في متر
والريحة طالعة عفن
حيطانك حافظين الخوف
وسقفك واقع من القهر
أحا …
عالمخافر
إن سكت … تايه
وإن نطقت … كافر
بين عصاية وسكوت
أحا …
عالخلفة الهبلة
رقّاصة عالطبلة
جيل بيورث جيل
نفس الغلطة …
ونفس الغفلة
أحا …
عالحقّ في تابوت
والوطن مدمن سكوت
شايف كل حاجة بتغرق
وواقف بيعدّ في الموت
أحا …
عاللي لابسين العباية
مربّعين في الزوايا
يبيعوا الدين في كلمة
ويشتروا بيه قضايا
أحا …
عاللي مادد قفاه
وراضي بذلّ حياته
واقف في طابور الهوان
وبيصفّق لجلاده
أحا …
بقولها .. ومش ندمان
ده اللي يشوفك ساكت
يبقى خان
الشاعر المغربي
نصرالدين خيامي بلمهدي
غزة / 2018