گالها لكذيذيبْ…… زجل : الحبيب المغاري الإدريسي.

0 407

الذيب فزمانا لبس سلهام قْشيب
وداع فالناس فقيه ضرافتو تعطب

السر تفضح ملي دار راسو خطيبْ
بان خُبثو بين لعباد سريريق ينْصبْ

راس مالو كذبة. عودها ماهو صْليبْ
رابت خيمتو و بحَمَّارها زاد تعطبْ

من بعد قْسُوحِيت الرأس ولا لبيبْ
خايف يزاوگ أو من مقامو يرسبْ

ديرو النية للخرفان ؛ گالها لكذيذيبْ
عمر داود ما يعاود.من كاسو يشربْ

الخرفان گاع حلفت لادخلات للزريبْ
حتى يعاود قرايتو ما باقي يلعبْ

والضامن سيد الراعي حبيب وطبيب
يحكم بحكامو قبل ما الذيب يهرب

إمضاء
الحبيب المغاري الإدريسي

قد يعجبك ايضا
اترك رد

لن يتم نشر عنوان بريدك الإلكتروني.