اختي في لحباب غز اكتافي**
من بعد الوالدين ليا جناح
كي الذهب اصلو معدن صافي**
ولا كي الدواء يشفي اجراح
في الضلمة ش ماهو طافي**
نور البيت بيها يعمر لمراح
نمشي بر الشوك ليها حافي**
على جال اخيتي نرفد سلاح
غز لخية نڨول عليها قوافي **
كي تكون سعيدة ذيك لفراح
كيف الخو على خيتو جافي**
واليوم على لخيا راني مداح
مثلها كي الدواء للمرض شافي**
ولا كي لڨمر مزينها بصباح
بدر بين نجوم ماهو خافي**
منور بضيا مشعشع وضاح
ياڨاسي على اخيتو كون عافي**
وحنن قلبك عنها وطلب السماح
من بعد اما وابي لخيتي وافي**
ولي حاڨر اختو من عيني طاح
جمال لمخلطي