” الرجوع لله أسيمو “

0 1٬526

✍🏼بقلم: [ذ.هشام الدكاني]

«السيمو» ، البرلماني ديال «حزب الأحرار» ، اللي المفروض يكون خدام على مصالح الشعب ، طلع لينا فواحد السيناريو اللي حتى أفلام التشويق ما توصلش ليه!
من وصف الكوفية «الفلسطينية» بـ(الشرويطة) وسط البرلمان!!!
نفس «السيمو» المتابع إلى اليوم فقضايا ديال ٱختلاس وتبديد أموال عمومية..

السيد اللي المفروض يكون نموذج للشفافية والنزاهة ، بغا يدير علينا التقشاب..
هضر على رمز المقاومة «الفلسطينية» بحال اللي تيقشب فشي (حمام شعبي) ، وداكشي كلو وهو عندو ملفات تقيلة كتلاحقو فالمحاكم…

عوض ما يجاوب على التهم اللي كتحوم حولو ، ولا يشرح لينا فين مشاو الفلوس العمومية اللي (ربما) دلات رجليها برا ، السيد بغا يغيّر الموضوع ويفجر الجدل بهضرة خاوية.
ولكن ، واش الشعب غادي يصدق هاد المراوغات؟

المغاربة اليوم كيسولو:
– شكون اللي خلا هاد السيد يمثلنا فالمؤسسات؟

– شكون اللي عطاه الحق باش يهين الكوفية «الفلسطينية» ، وهو أصلا متهَم فملفات كتهم أموال الشعب؟

«السيمو» مسيكين باغي يلعب دور الكوميدي ، ولكن الواقع فضحو!
لا الكوفية ساهلة باش تهينها..
ولا أموال الشعب ساهلة باش تتبدّد..

دبا بغينا غير نعارفو الله يحرم الواليدين:
– واش «السيمو» غادي يبقى فدارو؟
– ولا المحاكم غادي تصرف ليه الأجوبة؟
الأيام جاية وجايبة معاها الخير والخمير «أسيمو!» ، مع العلم أن «سيمو» هو رئيس لجنة [الصداقة المغربية الفلسطينية] ، هضرة كبيرة هادي ، وا الرجوع الله ااااااااااسيموا.

قد يعجبك ايضا
اترك رد

لن يتم نشر عنوان بريدك الإلكتروني.