التوبة.. من قصيدة صبر أيوب للشاعر أحمد فؤاد نجم .

0 519

أتوب ازاي و أنا أيوب

رماني الوعد و المكتوب

سنين ماشي ورا الأفكار

على كفوف القدم دوار

لاخليت ف الدروب مشوار

و لا فوق الورق مكتوب

و أتوب ازاي

رماني الشوق مشيت سواح

أغني و ماو قلبي جراح

على يميني شجر صبار

على اشمالي مفيش أشجار

على قلبي الهوى جبار

و بات غالب

و أنا المغلوب

و أتوب ازاي

رماني الشوق مشيت حادي

حدايا و غنوتي بلادي

يا عيني يا ليلي

على انسان

غريب الأهل وف الأوطان

يقوم وقت البدار بدار

و عند القسمة مش محسوب

و اتوب ازاي

يا عيني يا ليلي على بحر

يا كلمة مزوقة المواويل

على شطيك قلوب عشاق

سهارى

يغزلو الأشواق

وانا ويا الجميع مشتاق

…. أحمد فؤاد نجم
من قصيدة..صبر ايوب

قد يعجبك ايضا
اترك رد

لن يتم نشر عنوان بريدك الإلكتروني.